२०८३, श्रावण ११ गते
- यो साता चर्चामा :
काठमाडौं । नेपाली कांग्रेसका नेता रमेश रिजालले बीआरआईको कारणले वर्तमान सरकारमा दरार नआउने बताउनुभएको छ ।
प्रधानमन्त्री केपीशर्मा ओलीको चीन भ्रमण नजिकिँदै गर्दा चीनको रणनीतिक परियोजना बीआरआईको विषयमा सत्तापक्षभित्रै मतभेद सुरु भएको छ ।
यहि बिचमा कांग्रेस नेता तथा पूर्वमन्त्री रिजालले मतभेद भए पनि सहमतिमा पुग्ने विश्वास दिलाउनुभयो । यस्तै उहाँले यहि कारण गठबन्धन ढल्छ, दरार आउँछ भन्ने कुराको पछि नलाग्न सबैमा आग्रह पनि गर्नुभएको छ ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै नेता रिजालले बीआरआईका विषयमा आ–आफ्नो विचार धारणा राख्न सबैले पाउने भएकाले मतभेद उत्कर्षमा पुग्ने अवस्था नआउने स्पष्ट पार्नुभयो ।
प्रधानमन्त्री ओलीले यहाँ दलहरुबीच जे सहमति हुन्छ त्यहि अनुसार नै चीनमा यसको प्रक्रिया गर्ने कुरामा आफूहरु विश्वस्त भएको बताउँदै सहमति भएन भने हस्ताक्षर नगर्ने स्पष्ट पार्नुभयो ।
आर्थिक हिसावले अहिले नेपाल खस्किएको समयमा ऋण लिएर आर्थिक बोझ नबोक्ने समेत नेता रिजालको भनाइ रहेको छ ।
