काठमाडौं । नेपाली कांग्रेसका प्रवक्ता डाक्टर प्रकाशशरण महतले वर्तमान सरकारले पार्टीभन्दा माथि उठेर देश र जनाताको लागि काम गर्नुपर्ने बताउनुभएको छ ।

संसदका दुई ठुला दल नेपाली कांग्रेस र एमालेको समिकरणमा बनेको सरकारबाट जनताले धेरै आसा र विश्वास गरेकाले ती सबैलाई पूरा हुने गरेर काम गरेर देखाउनुपर्ने सरकारको पहिलो दायित्व भएको नेता महतको भनाइ छ ।

नेपाली रेडियो नेटवर्कको नेपाली बहसमा पत्रकार ऋषि धमलासँग कुरागर्दै पूर्व अर्थमन्त्री समेत रहनुभएका प्रवक्ता महतले जनतालाई सरकार छ भन्ने अनुभुती गराएरै अहिलेको सरकारले काम गरिरहेको दाबी गर्दै यो सरकारबाट कोहि पनि निरास हुनुपर्ने अवस्था आउन नहुनेमा जोड दिनुभयो ।

गत साताको अविरल वर्षापछिको बाढीपहिरोले गरेको ठुलो जनधनको क्षतीप्रति दुख व्यक्त गर्दै उहाँले अब उद्धार र पीडीतलाई उचित राहत दिनेमा सरकार चुक्न नहुने सुझाव समेत दिनुभयो ।