काठमाडौं । माध्यमिक शिक्षा परीक्षा (एसईई) को मौका परीक्षाको मिति तय गरेको छ। २ विषयसम्म अनुत्तीर्ण हुने विद्यार्थीका लागि साउन १८ र १९ गते मौका परीक्षा सञ्चालन गरिने राष्ट्रिय परीक्षा बोर्डले जनाएको छ।

बोर्डले बिहीबार बिहान ९ बजे एसईई परीक्षाको नतिजा सार्वजनिक गरेको हो। यस वर्षको एसईईमा ४७.८६ प्रतिशत परीक्षार्थी उत्तीर्ण भएका छन्।

बोर्डका अधिकारीका अनुसार ननग्रेड ल्याउनेमध्ये २ विषयसम्म अनुत्तीर्ण हुनेमा १ लाख १५ हजार ८३४ छन् । त्यसमा ६७ हजार ८९६ जना एक विषयमा अनुत्तीर्ण छन्।