काठमाडौं। एकदिवसीय क्रिकेटमा क्यानहा ११ सँग नेपाल ‘ए’ टोली पराजित भएको छ। आज मुलपानी क्रिकेट मैदानमा भएको आफ्नो डेब्यू खेलमा नेपाल ४ विकेटले पराजित भएको हो । टस हारेर व्याटिङको निम्तो पाएको नेपालले प्रस्तुत गरेको २ सय १७ रनको लक्ष्य क्यानडाले ३ बल बाँकी हुँदा पुरा ग¥यो।

खराब सुरुवात गरेपनि क्यानडाका लागि नवानित धलिवल र निखिल दत्तले अर्धशतकीय इनिङ खेल्दै टिमको जित निश्चित गरे। निखिल ६७ रनमा नटआउट रहँदा उनले श्रेयासले २३ रन बनाएर साथ दिए। क्रिजमा टिकेका निखिलले १ सय १५ बल खेल्दै ५ चौका र १ छक्का प्रहार गरेका थिए।

पाँचौं विकेटका लागि धलिवल र निखिलले ७५ रनको साझेदारी गरेका थिए। धलिवलले ७६ बलमा १० चौका र २ छक्काको सहयोगमा ८० रन बनाए। त्यसपछि साद बिन जफर र निखिलले ५४ रनको साझेदारी गर्दै टिमलाई जिततर्फ अग्रसर बनाए।

त्यसअघि मूलपानी क्रिकेट मैदानमा टस हारेपछि पहिलो ब्याटिङको निम्तो पाएको नेपालले निर्धारित ५० ओभरमा ८ विकेट गुमाएर २ सय १६ रन जोडेको थियो। नेपालका लागि बसिर अहमदले सर्वाधिक ५० रन जोड्दा तेस्रो नम्बरमा आएका राशिद खानले ४० रनको योगदान दिएका थिए। त्यस्तै, मयन यादवले ३६ रन जोडे।