काठमाडौं । सर्वोच्च अदालतका नवनियुक्त ६ जना न्यायाधीशहरूले पद तथा गोपनीयताको शपथ लिनुभएको छ ।
बिहीबार(आज) राष्ट्रपति कार्यालय शीतल निवासमा आयोजित समारोहमा राष्ट्रपति रामचन्द्र पौडेलको उपस्थितिमा न्यायाधीशहरूलाई प्रधानन्यायाधीश विश्वम्भरप्रसाद श्रेष्ठले पद तथा गोपनीयताको शपथ गराउनुभएको हो ।
न्यायपरिषद्ले सर्वोच्च अदालतको न्यायाधीशमा सिफारिस गरेका सुनिल पोखरेल, बालकृष्ण ढकाल, महेश शर्मा पौडेल,टेकप्रसाद ढुंगाना, सारंगा सुवेदी र अब्दुल अजिज मुसलमानलाई संसदीय सुनुवाइ समितिले अनुमोदन गरे लगत्तै हिजो राष्ट्रपति पौडेलले नियुक्त गर्नुभएको थियो । हिजो नियुक्त हुनुभएका न्यायाधीशहरूले आज पद तथा गोपनीयताको शपथ लिनुभएको हो ।
