एजेन्सी । ब्राजिली स्टार नेयमारले एसीएल सल्यक्रिया पश्चातको अवस्था सुधारोन्मुख देखिएको छ ।

नेयमारको उपचारमा संलग्न चिकित्सकका अनुसार उनले चोटसँग राम्रो प्रतिक्रिया जनाएका छन् । तर अल हिलालका फरवार्ड कहिले मैदान फर्कन्छन् भनेर एकिन भने छैन ।

३१ वर्षका फरवार्डले फुटबलरमा निकै जटिल मानिने एसीएल सल्यक्रिया गरेका थिए । अघिल्लो महिना विश्वकप छनोटको दौरान उरुग्वेविरुद्धको खेलमा उनले चोट बोकेका थिए । नेयमार पुन एक जटिल सल्यक्रियाबाट गुज्रिन परेको छ ।

एसीएलको सल्यक्रिया निको हुन सामान्यतया कम्तिमा ८ देखि १० महिना लाग्ने गर्दछ । ब्राजिली टिमका चिकित्सक रोड्रिगो लास्मारले नेयमार पूर्ण फिट हुनका लागि निकै प्रतिबद्ध देखिएको बताएका छन् ।

सल्यक्रिया पश्चात उनले निकै सुधारोन्मुख प्रतिक्रिया देखाईरहेका छन् ।