काठमाडौं। टी २० विश्वकप अन्तर्गत एसिया क्षेत्र छनोटको क्रिकेट प्रतियोगितामा डिशहोमले खेलाडीहरुका पुरस्कार घोषणा गरेको छ।खेलाडीहरुको हौसला बढाउनका लागि भन्दै डिसहोमले पुरस्कारको घोषणा गरेको जनाएको छ।

डिसहोमले खेलाडीले मैदानमा देखाएको प्रयत्नमा खुशी व्यक्त गर्दै आइसीसि मेन्स टी २० विश्वकप एसिया क्वालिफाइयरमा सहभागी खेलाडीहरुलाई प्रोत्साहन गर्न पुरस्कारको घोषणा गरेको हो।घोषणा गरेको पुरस्कारअन्तर्गत एक खेलमा १०० रन बनाउने र ५ विकेट लिने खेलाडीले २० लाख नगद पुरस्कार पाउने भएका छन्।

त्यस्तै, १०० रन मात्र बनाएमा १० लाख रुपैयाँ, ५ विकेट लिएमा ५ लाख, ५० रन बनाएमा एक लाख, ३ विकेट लिएमा एक लाख, ३५ रन बनाएमा ५० हजार र ३ क्याच÷स्टम्पिङ गरेमा ५० हजार रुपैयाँ नगद पुरस्कार खेलाडीहरुले प्राप्त गर्ने छन् ।