काठमाडौं । विश्वकप फुटबलको एसियाली छनोटको पहिलो चरणमा नेपालले आज लाओससँग खेल्दैछ ।
खेल दशरथ रंगशालामा साँझ साढे ५ बजे सुरु हुनेछ । नेपाल लाओसविरुद्ध जितको खोजीमा हुनेछ । कप्तान किरण चेम्जोङले लाओसविरुद्ध खेल्न आफूहरू तयारी अवस्थामा रहेको बताएका छन् ।
बिहीबार दशरथ रंगशालामा भरिभराउ दर्शकको अपेक्षा र आह्वान समेत गरेका छन् । नेपाली टिममा अमृत श्रेष्ठ र सञ्जीव विष्टले पहिलो पटक स्थान बनाएका छन् ।
कप्तान चेम्जोङ सहित रोहित चन्द र मनिष डाँगी राष्ट्रिय टिममा यथावत् छन् । नेपालले दोस्रो खेल लाओसको भेन्टियानामा खेल्नेछ ।
