काठमाडौं । विश्वकप क्रिकेटमा घरेलु टोली भारतले विजयी सुरुवात गरेको छ । एमए चिन्दबरम स्टेडिममा भएको भारत–अस्ट्रेलियाबीचको खेलमा भारतले अस्ट्रेलियालाई ६ विकेटले पराजित गरेको हो ।
पहिला ब्याटिङ रोज्दै अस्ट्रेलियाले ५० ओभरमा अल आउट हुँदै १९९ रन बनाएको थियो। २०० रनको लक्ष्य पछ्याएर जवाफी ब्याटिङमा उत्रिएको भारतले ४१ दशमलव २ ओभरमा चार विकेट गुमाउँदै लक्ष्य पूरा ग¥यो ।
सुरुवाती दुई ओभरमै तीन विकेट गुमाएको भारतका लागि विराट कोहली र केएल राहुलले पारी सम्हाल्दै जित दिलाएका हुन् ।
विराटले ८५ रनको योगदान दिए भने राहुलले नटआउट ९७ रन बनाए। अस्ट्रेलियाका लागि स्टीभ स्मिथले सबैभन्दा धेरै ४६ र डेभिड वार्नरले ४१ रनको योगदान दिनुबाहेक अन्य ब्याटरले दोहोरो अंकमा रन जोड्न सकेनन् ।
