काठमाडौं । साफ यु–१९ च्याम्पियनसिप फुटबलको उपाधिका लागि शनिबार भारत र पाकिस्तान भिड्ने भएका छन् ।
फाइनल अघि शुक्रबार रंगशालामा आयोजित प्रिम्याच कन्फ्रेन्समा दुवै टोलीका प्रशिक्षक तथा कप्तानहरूले अनुभवका आधारमा राम्रो नजिता निकाल्ने दाबी गरेका छन् ।
हरेक खेलमा टिमको फरक–फरक रणनीति हुने र आवश्यक रणनीतिका आधारमा फाइनल खेल्ने दुवै टोलीको भनाइ छ । सेमिफाइनल खेलमा नेपाललाई पेनाल्टी सुटआउटमा हराउँदै भारत फाइनलमा पुगेको हो ।
त्यस्तै सेमिफाइनलमा भुटानलाई हराउँदै पाकिस्तान फाइनलमा पुगेको हो । प्रतियोगितामा नेपाल, पाकिस्तान, श्रीलंका, भारत, बंगलादेश र माल्दिभ्स सहभागी थिए ।
