काठमाडौं । एसिया कप क्रिकेट प्रतियोगिताअन्तर्गत भारतविरुद्धको खेलमा नेपाललाई तेस्रो झट्का लागेको छ ।

५ रन बनाएका कप्तान रोहित पौडेल स्लिपमा क्याच भएका हुन् । यसअघि १७ बल खेलेका भीम सार्की ७ रन जोडेर आउट भएका थिए ।कुशल भुर्तेल ३८ रनमा पेबेलियन फर्किएका थिए ।

यो समाचार तयार पार्दासम्म नेपालले २० ओभरमा ३ विकेट गुमाएर ९३ रन जोडेको छ । नेपाल र भारतले समूह चरणको अन्तिम खेलमा प्रतिस्पर्धा गरिरहेका हुन् ।

पहिलो खेलमा नेपाल पाकिस्तानसँग पराजित भएको थियो भने भारत र पाकिस्तानबीचको खेल वर्षाले अवरुद्ध भएको थियो ।नेपाल र भारत शीर्ष स्तरमा भेट भएको यो पहिलोपटक हो ।

यो खेल जित्ने टोलीले अन्तिम ४ मा स्थान बनाउने छ भने हार्ने टीम समूह चरणबाटै घर फर्किने छ । वर्षाका कारण खेल पूरा हुन नसकेमा भारत अगाडि जानेछ ।