काठमाडौं । कैलालीको लम्की–चुहा नगरपालिकाले सार्वजनिक जग्गा अतिक्रमण तथा खोलानाला मिचेर बनाइएका घरटहरा भत्काउन शुरु गरेकै दिन अदालतले ब्रेक लगाएको छ ।

जिल्ला अदालत कैलालीले अल्पकालीन आदेश जारी गर्दै यहीँ साउन १६ गतेसम्मका लागि भौतिक संरचना नभत्काउन आदेश दिएको छ । होटेल सौराई प्रालिले दायर गरेको मुद्धाको सुनुवाई गर्दै अदालतले अल्पकालीन अन्तरिम आदेश जारी गरेको हो । दुवै पक्षलाई छलफलका लागि १६ गते बोलाइएको छ ।

यता, लम्की–चुहा नगरपालिकाले पनि अदालतको पत्र बुझेको छ । अतिक्रमित सार्वजनिक जग्गा खाली गराउने शाहीको अभियान ७ घण्टामै रोकिएको छ ।