काठमाडौं । आईसीसी एक दिवसीय विश्वकप छनोट अन्तर्गत बिहीबार भइरहेको खेलमा नेपाललाई वेष्टइन्डिजले ३४० रनको चुनौतीपूर्ण लक्ष्य दिएको छ।
पूरा ५० ओभरको खेलमा साइ होप र निकोलस पूरनको शतकका मद्दतले ३३९ रन बनाएको हो ।
टस जितेर पहिले बलिङ रोजेको नेपालका लागि बायाँहाते स्पिनर ललित राजवंशीले सबैभन्दा धेरै तीन विकेट लिएका छन् । उनले वेष्टइन्डिजका रोभमन पावेल, जेसन होल्डर र साइ होपको विकेट लिएका हुन् ।
नेपालका लागि करण केसी, सन्दीप लामिछाने, गुलशन झा र दीपेन्द्र सिंह ऐरीले एक/एक विकेट लिएका छन्। केहीबेरमा नेपालले जवाफी ब्याटिङ गर्नेछ।
