काठमाडौं । सहिद स्मारक ‘ए’ डिभिजन लिग फुटबल अन्तर्गत मंगलबार(आज) दुई खेलहरू हुँदैछन् । दोस्रो लेगको दशौँ चरण अन्तर्गत आज दुई खेलहरू हुनेछन् । दुवै खेल त्रिपुरेश्वरस्थित दशरथ रंगशालामा हुनेछ ।
पहिलो खेलमा त्रिभुवन आर्मी क्लब र जावलाखेल यूथ क्लबबीच प्रतिस्पर्धा हुनेछ । आर्मी र जावलाखेलबीचको खेल दिउँसो ३ बजे सुरु हुनेछ ।
आर्मी आज आठौं जितको योजनामा हुनेछ । आर्मी २२ खेलमा ३० अंक जोडेर पाँचौं स्थानमा रहेको छ । जावलाखेल दशौँ जितको खोजीमा हुनेछ । जावलाखेल २२ खेलमा ३४ अंक जोडेर तेस्रो स्थानमा रहेको छ ।
यस्तै दोस्रो खेलमा एपीएफ क्लब र चर्च ब्वाइज युनाईटेडबीच प्रतिस्पर्धा हुनेछ । दुई टोलीबीचको खेल साँझ ६ बजे सुरु हुनेछ।
एपीएफ नवौं जितको खोजीमा हुनेछ । एपीएफ २२ खेलमा २९ अंक जोडेर छैटौं स्थानमा रहेको छ । चर्च ब्वाइज ११ औं जित निकाल्न चाहन्छ । चर्च ब्वाइज २२ खेलमा ३८ अंक जोडेर शीर्ष स्थानमा रहेको छ ।
