२०८३, श्रावण ११ गते
- यो साता चर्चामा :
काठमाडौं । नेकपा (माओवादी केन्द्र) का सचिव देवेन्द्र पौडेलले जनयुद्धलाई राजनीतिक आन्दोलन मान्न नेकपा एमाले तयार नभएकोमा आपत्ति जनाउनुभएको छ ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै नेता पौडेलले एमालेलाई सशस्त्र द्वन्द्व भन्दा मजा लाग्ने, जनयुद्ध भन्दा नआउने भन्दै प्रश्न गर्नुभएको छ ।
नेता पौडेलले एमालेले जनयुद्धलाई राजनीतिक आन्दोलन स्वीकार्न तयार हुनुहुन्न, देश उहाँहरुको मात्र हो र भन्दै प्रश्न दोहो¥याउनुभएको छ ।
यस्तै पौडेलले एमालेको निर्णय मानेर आफूहरु जनयुद्धमा नगएको पनि बताउनुभएको छ । यस्तै अर्को प्रसंगमा नेता पौडेलले एमालेको माग अनुसार सरकारको नीति तथा कार्यक्रम फिर्ता नहुने दावी गर्नुभएको छ ।
साथै कारागारमा रहेका रेशम चौधरीलाई गणतन्त्र दिवसमा माफी दिन लागिएको प्रसंगमा छलफल चलिरहेको तर टुंगोमा भने नपुगेको स्पष्ट पार्नुभयो ।
