२०८३, कार्तिक ११ गते
- यो साता चर्चामा :
काठमाडौं। नेपाली कांग्रेसका नेता डा. शेखर कोइरालाले अब हुने जुनसुकै निर्वाचनमा कांग्रेस एक्लै लड्नुपर्ने बताउनु भएको छ।
अहिलेको निर्वाचन पद्धतिले विकृति बढाएको भन्दै कोइरालाले यसलाई परिवर्तन गरेर समानुपातिक प्रणालीलाई हटाउनुपर्ने धारणा राख्नुभयो।
बुधबार प्रजातान्त्रिक बिचार समाजको २५ औं साधारण सभालाई काठमाडौंमा सम्बोधन गर्दै नेता कोइरालाले पछिल्ला दिनहरुमा राजनीतिक दल र नेताहरुप्रति सर्वसाधारणको धारणा नकारात्मक रहेकाले नेताहरु सुध्रिनुपर्ने बताउनु भएको छ।
कोइरालाले नक्कली भुटानी शरणार्थी प्रकरणका दोषीहरुलाई कुनै बहानामा चोख्याउने काम हुन नहुने पनि बताउनु भयो । ‘जुनसुकै दल वा जुन तहका ब्यक्ति भए पनि कानुन बमोजिम कारबाही हुनैपर्छ’ कोईरालाको भनाई छ ।
