काठमाडौं । नेपालले एकदिवसीय अन्तराष्ट्रिय वरीयतामा सुधार गरेको छ । अन्तर्राष्ट्रिय क्रिकेट परिषद् (आईसीसी) ले बुधबार(आज) सार्वजनिक गरेको वरीयतामा नेपालले एक स्थान सुधार गरेको छ ।
नयाँ वरीयतामा नेपाल १६ औं स्थानमा उक्लिएको छ । यस अघि नेपाल १७ औं स्थानमा रहेको थियो ।
नामिबियालाई पछि पार्दै नेपाल १६ औं स्थानमा उक्लिएको हो । नेपाल भन्दा पछाडि नामिबिया,अमेरिका,युएई र पपुवा न्युगिनी रहेका छन् ।
एसोसियट राष्ट्र तर्फ स्कटल्यान्ड १२ औं स्थानमा कायमै रहेको छ । भारत वरीयताको शीर्ष स्थानमा रहँदा अष्ट्रेलिया दोस्रो, न्युजिल्यान्ड तेस्रो र इंग्ल्यान्ड चौथो स्थानमा छ ।
