काठमाडौं । सातौं नेपाल एपीएफ स्कुल कप आमन्त्रित फुटबल प्रतियोगिता अन्तर्गत बिहीबार(आज) तिन खेलहरू सम्पन्न भएका छन् ।
आज भएको खेलमा डी.ए.भि स्कुल र नाईटिङ्गल ईन्टरनेशनल स्कुलले गोलरहित बराबरी खेलेका छन् भने लिटिल एन्जल्स र नेक्सस ईन्टरनेशनल स्कुलले १-१ गोलको बराबरी खेलेका छन्।
लिटिल एन्जल्सको तर्फबाट सुमन बि.क.ले १ गोल र नेक्सस ईन्टरनेशनल स्कुलको तर्फबाट कृष्ण आलेले १ गोल गरेका थिए ।
त्यसैगरी आजै भएको खेलमा ग्रिन भिलेज सेकेण्डरी स्कुलले हारति शिक्षा मन्दिरलाई १-० को झिनो अन्तरले पराजित गर्यो । ग्रिन भिलेज सेकेण्डरी स्कुलको तर्फबाट मिलन पुनले निर्णायक गोल गरेका थिए ।
त्यसैगरी भोलि हुने लिग चरणका खेलहरूमा नेपाल पुलिस स्कुल साँगाविरुद्ध पुष्पाञ्जली सेकेण्डरी स्कुल गोदावरी तथा सैनिक आवासीय महाविद्यालय सल्लाघारीविरुद्ध बेशिक लर्निङ्ग बोर्डिङ स्कुल सतुङ्गल खेल्ने छन् ।
भोलि नै हुने खेलमा मोर्डन इन्डियन स्कुल चोभारविरुद्ध लिटिल एन्जल्स स्कुल ललितपुर तथा ग्रिन भिलेज एजुकेशन फाउण्डेशन कीर्तिपुरविरुद्ध ब्राईट होराईजन चिल्ड्रेन्स होम मातातिर्थ प्रतिस्पर्धा गर्ने छन् ।
