काठमाडौ। वाणिज्य बैंकहरुमा माघ महिनामा जम्मा २५ अर्ब रुपैयाँ निक्षेप थप भएको छ। नेपाल बैंकर्स एसोसिएसनले सार्वजनिक गरेको तथ्यांकअनुसार पुस मसान्तसम्म यी बैंकमा कुल ४७ खर्ब १६ अर्ब रुपैयाँ निक्षेप रहेकोमा माघ मसान्तसम्म ४७ अर्ब ४१ अर्ब रुपैयाँ पुगेको छ ।

गत पुस महिनामा मात्रै ९५ अर्ब रुपैयाँ निक्षेप थपिएको थियो ।पुसको तुलनामा माघ महिनामा निक्षेपको वृद्धिमा केही संकुचन देखिएको छ। त्यस्तै सो महिनामा कर्जा प्रवाह जम्मा १२ अर्ब बढेको छ।

पुस मसान्तसम्म कुल ४२ खर्ब ७८ अर्ब रुपैयाँ कर्जा प्रवाह भएकोमा माघ मसान्तसम्म ४२ खर्ब ९० अर्ब पुगेको छ। पुस महिनामा ५४ अर्ब कर्जा बढेको थियो । बैंकहरुको कर्जा निक्षेप अनुपात हाल ८६ प्रतिशत छ।