२०८३, श्रावण २८ गते
- यो साता चर्चामा :
काठमाडौं। यातायात मजदुरहरुले गरेको आन्दोलनका क्रममा हिजो काठमाडौंका मोबाइल पसलमा भएको आठदेखि १० करोड रुपैयाँ बराबरको लुटपाट भएको छ।
हिजो आन्दोलनकारीहरुले माछापोखरी र नयाँबसपार्क क्षेत्रमा तीन ठाउँका मोबाइल पसलमा लुटपाट गरेका थिए। हिजो बेलुकी ल्होत्से मलमा एक हुल प्रवेश गरी तोडफोड र मोबाइल पसलमा लुटपाट गरेको थियो ।
नेपाल मोबाइल व्यवसायी संघले लुटपाट र तोडफोडबाट ८ देखि १० करोड रुपैयाँ बराबरको क्षति भएको दाबी गरेको छ। घटनाबारे अनुसन्धान गरिरहेको प्रहरीले जनाएको छ।
मोबाइल पसलमा लुटपाट र तोडफोडको घटना भएपछि देशभरका मोबाइल व्यवसायीहरु काठमाडौंमा एकत्रित भएका छन्। आज पत्रकार सम्मेलन गरेर घटनाको विस्तृत जानकारी गराउने बताएका छन्।
