काठमाडौं । हनी ट्र्यापको आरोपमा दाङमा दुई महिला र एक पुरुष पक्राउ परेका छन् । बार्गेनिङ गरी रकम माग गरेको आरोपमा गढवा गाउँपालिका ६ घर भई हाल तुलसीपुर उपमहानगरपालिका ६ दशरथ टोलमा बस्ने ३५ वर्षीय अनुष्का सिंह भन्ने कृष्णा गहतराज पक्राउ परेका छन् ।
त्यस्तै तुलसीपुर १८ ग्वारखोलाकी ३८ वर्षीय कृष्णाकुमारी बस्नेत र घोराही उपमहानगरपालिका १० नारायणपुरका २६ वर्षीय जनक भनिने रुद्रबहादुर केसीलाई पक्राउ गरिएको प्रहरीले जानकारी दिएको छ ।
उनीहरूले एक पुरुषसँग बार्गेनिङ गरी ठुलो रकम लिन खोजिरहेको अवस्थामा मंसिर १६ गते पक्राउ गरी थप अनुसन्धान गरिरहेको जिल्ला प्रहरी प्रवक्ता डीएसपी राजनकुमार गौतमले बताउनुभयो । प्रहरीले उनीहरूलाई आज सार्वजनिक गरेको छ ।
