काठमाडौं । नेकपा एमालेका अध्यक्ष केपी शर्मा ओलीले सोमबार(आज) चितवन र सिन्धुलीको चुनावी सभालाई सम्बोधन गर्नुहुने भएको छ
ओलीले पहिले चितवनमा सम्बोधन गर्ने र दिउँसो सिन्धुलीको दुधौलीमा आयोजना गरिएको आमसभालाई सम्बोधन गर्ने कार्यक्रम रहेको बताइएको छ।
यस अघि हिजो कर्णालीका कालिकोट, दैलेख र सुर्खेतमा आयोजना गरिएका चुनावी सभालाई उहाँले सम्बोधन गर्नुभएको थियो। बागमती प्रदेशमा ओलीले पहिलो पटक चुनावी सभालाई सम्बोधन गर्दै हुनुहुन्छ ।
यता, सत्ता गठबन्धनले आज काठमाडौंको सांस्कृतिक एवं ऐतिहासिक शहर साँखुमा संयुक्त चुनावी सभा आयोजना गरेको छ।
