काठमाडौं । नेपालको पश्चिम क्षेत्रमा भूकम्पको धक्का महसुस भएको छ । आज करिब ८ः१५ बजे कर्णाली, सुदूरपश्चिम लगायतका जिल्लामा भूकम्पको धक्का महसुस गरिएको थियो ।

राष्ट्रिय भूकम्प मापन केन्द्रका भुकम्पविद्का अनुसार बझाङ केन्द्रविन्दू भएर ५ दशमलब ४ म्याग्निच्युडको भूकम्प गएको हो । यद्यपि भूकम्पको क्षतिको यकिन विवरण आईसकेको छ्रैन ।

यसअघि गत बुधबार मध्यराति २ बजेर १२ मिनेटमा डोटी केन्द्रविन्दु बनाएर ६.६ म्याग्निच्युडको भूकम्प गएको थियो । उक्त भूकम्पमा ६ जनाको मृत्यु भएको थियो । साथै केही मानिस घाइते भएका थिए ।