काठमाडौं । आजका लागी तय भएको अभिनेता पल शाहको मुद्दाको सुनुवाइ स्थगित भएको छ ।

तनहुँ जिल्ला अदालतमा आज हुने भनिएको सुनुवाइ न्यायाधीशहरु नै निर्वाचनमा खटिनुपर्ने भएकाले सरकारी वकिलको कार्यालयले तोकिएको पेशीलाई सूचीबाट हटाइदिएको हो ।

पल शाहका कानुन व्यवसायी कमलामोहन वाग्लेका अनुसार अबको सुनुवाइ निर्वाचनलाई लक्षित गर्दै मंसिर १० गतेपछि मात्र तय हुनसक्ने आँकलन छ ।

उता नवलपुर जिल्ला अदालतले गत भदौ २१ गते यौन दुरुपयोग गरेको मुद्दामा दोषी ठहर गर्दै दुई वर्ष छ महिना कैद र पीडितलाई १० लाख क्षतिपूर्ति दिनुपर्ने तथा २५ हजार रुपैयाँ जरिवाना दिने अदालतको फैसलाबिरुद्ध पुनरावेदन दिने तयारी पनि भइरहेको छ।