काठमाडौ
निर्वाचन आयोगले माओवादी केन्द्रका अध्यक्ष पुष्पकमल दाहाल प्रचण्डले उम्मेदवारी दर्ताका समयमा बाजा बजाएको विषयमो दिएको स्पष्टीकरण चित्तबुझ्दो नभएको बताएको छ ।

गत असोज २३ गते प्रचण्ड गोरखा क्षेत्र नम्बर २ मा पुग्दा बाजागाजा समेत गरिएको थियो।यसबारेमा आयोगले सोधेको स्पष्टीकरणमा प्रचण्डले कसले बजायो भन्ने थाहै नभएको जवाफ दिनुभएको थियो ।

प्रचण्डको यो स्पष्टीकरण चित्त बुझ्दो नभएको भन्दै आयोगले आज बाजा बजाउने को थिए भन्ने पत्ता लगाउन मुख्य निर्वाचन अधिकृत र प्रमुख जिल्ला अधिकारीलाई निर्देशन समेत दिएको छ ।