काठमाडौं । बेलायती महारानी एलिजाबेथ द्वितीयको अन्त्येष्टि समारोहमा सहभागी हुन परराष्ट्रमन्त्री नारायण खड्का लन्डन जानुहुने भएको छ ।
आगामी असोज ३ गते लन्डनमै हुन लागेको महारानी एलिजाबेथको अन्त्येष्टि समारोहमा मन्त्री खड्का जान लागेको परराष्ट्रका एक अधिकारीले जानकारी दिए । महारानीको यही भदौ २३ मा मृत्यु भएको थियो ।
नेपालको पहिलो दैत्य सम्बन्ध कायम भएको मुलुक बेलायतकी महारानीको निधन भएपछि नेपाल सरकारले शोक व्यक्त गर्दै तीन दिन राष्ट्रिय झण्डा आधा झुकाएको थियो ।
७१ बर्ष शासन गरेकी महारानी इतिहासमै लामो समय शासन गर्ने शासकमा पर्नुहुन्छ । महारानीको निधन भएसँगै उहाँका उत्तराधिकारी चाल्र्स तृतीयले गद्दी सम्हाल्नुभएको छ ।
