काठमाडौं । निलम्बित प्रधानन्यायाधीश चोलेन्द्र शमशेर जबराले आफूमाथि लागेको महाभियोग भ्रामक भएको बताउनुभएको छ ।

तेस्रो दिन आज बयान दिने क्रममा निलम्बित प्रधानन्यायाधीश जबराले महाभियोग भ्रामक र निर्थक रहेको बताउनुभएको हो । उहाँले भन्नुभयो,’ महाभियोग आरोप भ्रामक हो। सत्यता छैन। निर्थक छ।’

दायित्वबाट नचुकेको उहाँको भनाइ छ। उहाँले न्यायीक नियुक्ति, सरुवा र काजमा एकरत्ती पनि आफू नचुकेको दावी गर्नुभएको छ । संविधानले तोकेको दायित्व र कर्तव्यबाट एक इन्च पनि बाहिर नगएको उहाँले बताउनुभयो । उहाँले भन्नुभयो,’ संविधानबमोजिम नियुक्त भएको हुँ। संविधानले तोकेको दायित्व र कर्तव्यबाट एक इन्च पनि बाहिर गएको छैन।’

संविधानको पालना गर्दागर्दै पनि राजनीतिक दलहरुले विज्ञप्ति निकालेर आफूमाथि प्रशोधन साँध्न खोजेको आरोप लगाउनुभयो ।

न्यायालयमा विचलन ल्याएको, भ्रष्टाचार र बिचौलियाले प्रवेश पाएको र कार्यपालिकामा भागबन्डा खोजेको लगायतका आरोप जबरामाथि लगाइएको छ।