काठमाडौं । केन्या भ्रमणमा जाने नेपाली राष्ट्रिय क्रिकेट टोलीलाई बिदाइ गरिएको छ । नेपाल क्रिकेट संघ (क्यान) ले नेपाली टोलीलाई आज बिदाइ गरेको हो । नेपाली टोली आजै दिउँसो केन्या प्रस्थान गर्ने छन् ।
नेपालले घरेलु टोली केन्यासँग ५ खेलको टी–ट्वान्टी अन्तराष्ट्रिय र ३ खेलको एकदिवसीय सिरिज खेल्नेछ । ५ खेलको टी–ट्वान्टी सिरिज भदौ ९ बाट १४ गते सम्म हुनेछ । ३ खेलको एकदिवसीय सिरिज भने भदौ १७ बाट २० सम्म चल्नेछ ।
दुवै सिरिज नैरोवीस्थित जीमखाना मैदानमा हुनेछ । नेपाल र केन्याबीच सुरुआतमा ५ खेलको टी–ट्वान्टी सिरिज हुनेछ । त्यसपछि एकदिवसीय सिरिज हुनेछ ।
राष्ट्रिय क्रिकेट टोलीका नवनियुक्त मुख्य प्रशिक्षक मनोज प्रभाकरले केन्या भ्रमणबाट औपचारिक रुपमा नेपाली टिम सम्हाल्नेछन् । सिरिजका लागि नेपालले सन्दीप लामिछानेको कप्तानीमा टोली घोषणा गरिसकेको छ ।
यस्तो छ खेल तालिकाः
टी–ट्वान्टी –
– नेपाल र केन्याबीचको पहिलो टी–ट्वान्टी भदौ ९ गते बिहान ११ः४५ बजे सुरु ।
– दोस्रो टी–ट्वान्टी भदौ १० गते बिहान ११ः४५ बजे सुरु ।
– तेस्रो टी–ट्वान्टी भदौ १२ गते बिहान ११ः४५ बजे सुरु ।
– चौथो टी–ट्वान्टी भदौ १३ गते बिहान ११ः४५ बजे सुरु ।
– पाँचौ तथा अन्तिम टी–ट्वान्टी भदौ १४ गते बिहान ११ः४५ बजे सुरु ।
एकदिवसीय –
– पहिलो खेल भदौ १७ गते बिहान ११ः४५ सुरु हुनेछ ।
– दोस्रो खेल भदौ १८ गते बिहान ११ः४५ सुरु ।
– तेस्रो खेल भदौ २० गते बिहान ११ः४५ सुरु ।
नेपाली टोली:
सन्दीप लामिछाने(कप्तान), रोहित पौडेल(उपकप्तान), आसिफ शेख, आरिफ शेख(विकेट किपर),दीपेन्द्र सिंह ऐरी, देव खनाल, आदील आलम,करण केसी,ज्ञानेन्द्र मल्ल, सोमपाल कामी,बसिर अहमद, अर्जुन साउद(विकेट किपर), पवन सर्राफ, शाहब आलम,किशोर महतो,विवेक यादव
