२०८३, श्रावण ९ गते
- यो साता चर्चामा :
काठमाडौं । नेकपा एमालेका नेता केशव बडालले अर्थमन्त्री जनार्दन शर्मालाई जोगाउन प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्ड लागेको बताउनुभएको छ ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै नेता बडालले जतिसुकै ठूलो अपराध भए पनि त्यसलाई जोगाउन सत्ता गठबन्धन लागेको र राज्य नै अपराधीको साक्षी बनेको आरोप लगाउनुभयो ।
देशमा अपराधीलाई उन्मुक्ति दिनका लागि सिंगो राज्यसंयन्त्र लाग्न नमल्निे बताउँदै नेता बडालले अर्थमन्त्री शमलाई जोगाउनु लोकतन्त्रविरोधी काम भएको दाबी गर्नुभएको छ ।
सिंगो गठबन्धन अपराधकर्ममा लिप्त रहेको आरोप लगाउँदै नेता बडालले शर्मालाई पुनः अर्थमन्त्री नियुक्त गर्नु राष्ट्रहित विपरीत भएको टिप्पणी गर्नुभयो ।
