काठमाडौं । काठमाडौंमा थप दुई जनामा हैजा पुष्टि भएको छ। चार र पाँच वर्षका बालकमा हैजा संक्रमण पुष्टि भएको हो ।
कागेश्वरी मनहरा नगरपालिकामा दुई बालकमा हैजा पुष्टि भएको इपिडिमियोलोजी तथा रोग नियन्त्रण महाशाखाका निर्देशक डा. चुमनलाल दासले जानकारी दिनुभयो ।
दुवै बालक स्थानीय अस्पतालमा उपचारपछि घर फर्किएका छन् । निर्देशक डा.दासका अनुसार काठमाडौं उपत्यकामा हैजाका बिरामीको संख्या १९ जना पुगेको छ ।
