काठमाडौं। भारतमा शुक्रबार राज्यसभा निर्वाचन भएका राज्यमध्ये राजस्थानमा भारतीय राष्ट्रिय कंग्रेसले एक्लै जित हासिल गरेको छ ।
कुल १६ सिटका लागि कडा प्रतिस्पर्धाका बीचमा भएको निर्वाचनबाट आठ सिटमा भने भारतीय जनता पार्टी (भाजपा) नै विजयी भएको छ । भाजपाले हरियाणा, महाराष्ट्र र कर्नाटकमा जित हासिल गरेको हो ।
स्थानीय समयनुसार शुक्रबार बिहान ९ बजेदेखि अपराह्न ४ बजेसम्म मतदानको समय तोकिएको थियो ।
यसअघि, भारतका उत्तर प्रदेश, तमिल नाडु, आन्द्र प्रदेश, विहार, उडिसा, मध्य प्रदेश, पन्जाब, छत्तिसगढ, उत्तराखण्ड, झारखण्ड र तेलंगनाबाट भने हालै ५७ जना निर्विरोध निर्वाचित भएको घोषणा गरिएको थियो ।
