काठमाडौं । नेपाली राष्ट्रिय क्रिकेट टिमका कप्तान सन्दीप लामिछानेको टी–ट्वान्टी वरीयता खस्किएको छ ।
अन्तर्राष्ट्रिय क्रिकेट परिषद् (आइसिसी) ले सार्वजनिक गरेको नयाँ वरीयता अनुसार सन्दीपको बलिङ वरीयता खस्किएको हो ।
बलिङ वरीयतामा सन्दीप एक स्थान तल झर्दै ३९ औं स्थानमा रहेका छन् । बलिङतर्फ नेपालका अविनाश बोहरा ८९ औं स्थानमा रहेका छन् ।
ब्याटिङतर्फ नेपालका कुशल भुर्तेल र दीपेन्द्र सिंह ऐरीको वरीयता खस्किएको छ । कुशल ३८ औं स्थानमा झरेका छन् । यस्तै दीपेन्द्र ४० औं स्थानमा झरेका छन् । ब्याटिङतर्फ नेपालका आसिफ शेख ९९ औं स्थानमा छन् ।
अलराउण्डरतर्फ दीपेन्द्रको वरीयता यथावत् रहेको छ । दीपेन्द्र १० औं स्थानमा छन् ।
