काठमाडौं । सरकारले युवाहरूलाई दक्ष तथा रोजगार बनाउनका लागि संघ, प्रदेश र स्थानीय तहसँगको सहकार्यमा सिपमूलक तालिमहरूको आयोजना गर्ने बताएको छ ।

आगामी आर्थिक वर्ष २०७९/८० को बजेट प्रस्तुत गर्दै अर्थमन्त्री जनार्दन शर्माले सो बताउनुभएको हो ।

सबै बेरोजगार जनशत्तिको क्षमता दक्षता र योग्यता अद्यावधिक हुने गरी तथ्याङ्क लिइने उहाँले बताउनुभएको छ ।

त्यस्तै प्रधानमन्त्री रोजगार कार्यक्रमको ढाँचा परिवर्तन गरिने उहाँले बताउनुभएको छ । प्रधानमन्त्री रोजगार कार्यक्रमका लागि ७ अर्ब ५ करोड रुपैयाँ विनियोजन भएको छ ।