काठमाडौं- सरकारले आगामी ५ वर्षभित्र पूर्व पश्चिम राजमार्गलाई ५ लेनको बनाउने लक्ष्य लिएको छ । सो सडकलाई एसियन हाइवेका रूपमा विकास गर्ने लक्ष्य लिइएको हो ।

मंगलबार संयुक्त संसदमा सरकारले प्रस्तुत गरेको नीति तथा कार्यक्रममा राष्ट्रपति विद्यादेवी भण्डारीले बुटवल, नारायणगढ र कञ्चनपुर र नारायणगढदेखि काँकडभिट्टासम्मको खण्ड सुरु गरिने उल्लेख गरेकी छन् ।

यस्तै काठमाडौं तराई द्रुतमार्गको निर्माण कार्य तोकिएको समयमा सम्पन्न गर्ने लक्ष्य लिइएको छ । आगामी वर्ष ८ सय किलोमिटर सडक कालोपत्रे गर्ने लक्ष्य लिइएको छ ।