२०८३, श्रावण १३ गते
- यो साता चर्चामा :
काठमाडौं - रुपन्देहीको भैरहवामा आज विजय जुलुसमा हिँडेको गाडी दुर्घटना भएको छ ।
दुर्घटनामा २४ जना घाइते भएका छन्, जसमध्ये ६ जनाको अवस्था गम्भीर छ ।
नेकपा एमाले सिद्धार्थनगर नगरपालिका-१० को लु १ ख ८०७९ नम्बरको मिनी ट्रक अनियन्त्रित भएर दुर्घटना भएको जिल्ला प्रहरी कार्यालय रुपन्देहीका डीएसपी प्रवक्ता नवरत्न पौडेलले जानकारी दिनुभयो ।
पौडेलले चालकले तीव्र गतिमा गाडी चलाउँदा दुर्घटना भएको बताए । गाडी गौतमबुद्ध अन्तर्राष्ट्रिय विमानस्थल नजिकै दुर्घटनामा परेको हो ।
घाइतेको भैरहवास्थित युनिभर्सल मेडिकल कलेजमा उपचार भइरहेको छ । सिद्धार्थनगर–१० बाट नेकपा एमालेको तर्फबाट उम्मेदवार बनेका सुर्जमन यादव अहिर विजयी हुनु भएको छ ।
