काठमाडौं - डिफेन्डिङ च्याम्पियन पोर्चुगल जारी युरोकप फुटबल प्रतिगोगिाताबाट बाहिरिएको छ । गएराति भएको अन्तिम १६ को खेलमा बेल्जियमसँग १ ० ले पराजित गर्दै पोर्चुगल प्रतियोगिताबाट बाहिरिएको हो ।

थोगन हाजार्डले ४२ औं मिनेटमा गरेको गोल नै निर्णायक बनेको थियो ।

१ गोलले पछि परेपछि दोस्रो हाफमा पोर्चुगलका कप्तान क्रिस्टियानो रोनाल्डो, डिएगो जोटा र जाओ फेलिक्स र आन्द्रे सिल्भालगायतले खेलमा फर्कने प्रयास गरे पनि त्यो सम्भव भएन ।

प्रतियोगिताबाट बाहिरिएसँगै रोनाल्डोको सर्बाधिक अन्तर्राष्ट्रिय गोलको कीर्तिमानमा इरानका अली देईलाई उछिन्ने लक्ष्य पनि अहिले केही छिनलाई टुंगिएको छ । रोनाल्डो र देईको समान १०९ अन्तर्राष्ट्रिय गोल संख्या छ ।

बेल्जियमले भने अब सेमिफाइनल प्रवेशका लागि इटालीसँग खेल्नेछ ।