काठमाडौँ - युरोकप फुटबलअन्तर्गत ग्रुप अफ डेथ मानिएको समुह एफबाट जर्मनी र पोर्चुगल अन्तिम १६ मा प्रवेश गरेका छन् । यसअघि नै दोस्रो चरणमा पुगेको फ्रान्स गएराति पोर्चुलसँग बराबरी खेल्दै दोस्रो चरणमा पुगेको छ ।

गएराति भएको समूह एफको अन्तिम खेलमा फ्रान्स र पोर्चुगल २–२ गोलको बराबरीमा रोकिएका थिए ।

फ्रान्सका लागि दुवै गोल करिम बेन्जमाले गरेका थिए भने पोर्चुगलका लागि दुवै गोल क्रिस्टियानो रोनाल्डोले गरेका थिए ।

त्यस्तै यसै समुहको अर्को खेलमा जर्मनी र हंगेरी पनि २–२ गोलको बराबरीमा रोकिएका छन् ।

जर्मनीका काइ हाभेर्ट र लिओन गोरेत्जकाले एक-एक गोल गरेका थिए भने हंगेरीका लागि एडम स्जलाई र आन्द्रेज स्काफेरले एक एक गोल गरेका थिए ।

समूह एफबाट फ्रान्स ३ खेलमा एक जित र दुई बराबरीसहित ५ अंकसहित समुहमा पहिलो हुँदै नकआउट चरणमा गएको छ । त्यस्तै जर्मनीले एक जित एक बराबरी र एक हारसहित ४ अंक बटुल्दै दोस्रो हुदै नकआउट चरणमा पुगेको छ ।

त्यस्तै पोर्चुगल पनि ३ खेलमा एक जित, एक बराबरी र एक हारसहित ४ अंक बटुल्दै तेस्रो स्थानमा रहँदै नकआउट चरणमा प्रवेश गरेको छ ।

समान अंक र गोलअन्तर भए पनि डेड टु हेडका आधारमा पोर्चुगल तेस्रो स्थानमा रहेको हो ।

पोर्चुगलले तेस्रो स्थानमा रहेका ६ टिम मध्ये उत्कृष्ट चारमा स्थान बनाउँदै नकआउट चरणमा पुगेको छ ।

त्यस्तै यस समुहबाट हंगेरी एक हार र दुई बराबरीसहित २ अंक बटुल्दै समुहमा चौथो भएर प्रतियोगिताबाट बाहिरिएको छ ।
समूह एफमा विश्व विजेता फ्रान्स, साविक विजेता पोर्चुगल, तीनपटकको विजेता जर्मनी र परम्परागत शक्ति हंगेरी रहेकाले यसलाई ग्रुप अफ डेथ भनिएको थियो ।

त्यसैगरी, समूह बीअन्तर्गत गएराति भएको खेलमा स्लोभाकियालाई ५ - ० को फराकिलोे जित निकाल्दै स्पेन युरोकपको अन्तिम १६ मा प्रवेश गरेको छ ।

स्पेनको जितमा एमेरिक लापोर्टे, पावलो सारविया र फरान डोरेसले एक एक गोल गरे । स्पेनले दुई गोल भने उपहार पाएको हो ।

सोही समूहको अर्को खेलमा स्विडेनले पोल्याण्डलाई ३-२ ले पराजित गरेको छ । यससँगै स्विेडन समूह ई को विजेता भएको छ । स्पेन भने उपविजेतामा सीमित भएको छ ।

हारसँगै स्लोभाकिया र पोल्याण्ड भने प्रतियोगिताबाट बाहिरिएका छन् ।