२०८३, श्रावण १२ गते
- यो साता चर्चामा :
काठमाडौं । नेकपा माओवादी केन्द्रको स्थायी कमिटी बैठक केन्द्रीय कार्यालय काठमाडौंको पेरिसडाँडामा शुरु भएको छ । सर्वोच्च अदालतको फैसलाबाट पुनःस्थापित भएपछि पहिलोपटक स्थायी कमिटीको बैठक हुन लागेको हो ।
एमालेसँग एकताअघि माओवादीको स्थायी कमिटी थिएन । यद्यपि, आजको स्थायी कमिटी बैठकमा अदालतबाट खारेज भएको नेकपाका स्थायी कमिटी सदस्यहरु सहभागी छन् ।
माधवकुमार नेपाल पक्षसँग मंगलबार अन्तिम बैठक गरेर बिदा भएका माओवादी केन्द्रका अध्यक्ष पुष्पकमल दाहाल प्रचण्डले आज स्थायी कमिटी बैठक राखेर पार्टी पुनर्गठनको प्रक्रिया अघि बढाउन लाग्नुभएको हो ।
एमालेसँग एकीकरणका बेला माओवादीले १९ जना सदस्य पाएको थियो । तीमध्ये रामबहादुर थापा बादल, टोपवहादुर रायमाझी, लेखराज भट्ट र मणि थापा प्रधानमन्त्री केपी शर्मा ओली पक्षमा लागेका थिए ।
उनीहरुले अब एमालेमै बस्नेगरी छलफल चलाइरहेको बताइरहेका छन् । यसकारण उनीहरु आजको बैठकमा सहभागि छैनन् ।
