एजेन्सी । इंग्लिस प्रिमियर लिग फुटबलमा लेस्टर सिटीले साविक विजेता लिभरपुललाई हराएको छ । गएराति भएको खेलमा लेस्टरले लिभरपुललाई ३–१ गोलले पराजित गरेको हो ।

लिभरपुलको यो लगातार तेस्रो हार हो । यसअघि उ घरेलु मैदानमै म्यानचेस्टर सिटीसँग ४–१ गोल अन्तरले पराजित भएको थियो । त्यस्तै, ब्राइटनसँग पनि १–० गोलअन्तरले स्तब्ध बनेको थियो ।

जितसँगै लेस्टर २४ खेलबाट ४६ अंकसहित लिगको दोस्रो स्थानमा उक्लिएको छ । एक खेल कम खेलेको म्यानचेस्टर युनाइटेड ४५ अंकसहित तेस्रो स्थानमा छ । लिभरपुल भने २४ खेलबाट ४० अंकसहित चौथो स्थानमा छ । सिटी भने शीर्ष स्थानमा छ ।