काठमाडौं । प्रधानमन्त्री केपी शर्मा ओलीले द्वन्द्वरत पक्षलाई वार्तामा आउन आग्रह गर्नुुभएको छ । नेपाल कम्युनिस्ट पार्टी (नेकपा)का अध्यक्षसमेत उहाँले वार्तामार्फत समस्या समाधान गर्न सरकार तयार रहेको पनि बताउनुुभयो ।

भूमिगत समूह नेत्रविक्रम चन्द ‘विप्लव’ समुहको नाम नलिकनै प्रधानमन्त्री ओलीले सबै द्वन्द्वरत पक्षसँग सरकार वार्तामा बस्न तयार रहेको बताउनुुभएको हो । आज मानवअधिकार तथा सामाजिक अभियान नेपाल घोषणासभालाई सम्बोधन गर्दै प्रधानमन्त्री ओलीले संविधान संशोधनको विषयलाई लहडको विषय नबनाउन पनि आग्रह गर्नुुभयो ।

आवश्यकता र औचित्यका आधारमा संविधान संशोधन गर्न सकिने भन्दै उहाँले केही समयअघिमात्रै संविधानको दोस्रो संशोधन गरेको स्मरण गराउनुुभयो ।