काठमाडौं । नेता घनश्याम भुसाल नेकपा एकीकृत समाजवादीमा प्रवेश गर्नुहुने भएको छ । त्यसका लागि नेकपा एकीकृत समाजवादीले शुक्रबार (भोलि)का लागि पार्टी प्रवेश कार्यक्रम राखेको छ ।
सो पार्टीका अनुसार भुसाललाई स्वागत गर्न शंखमुलस्थित होटेल अर्यालमा दिउँसो २ कार्यक्रम राखिएको हो । भुसाललाई पार्टी अध्यक्ष माधव कुमार नेपाललगायतले स्वागत गर्नुहुने भएको छ ।
एमालेबाट निर्वाचन टिकट नपाएपछि भुसालले रुपन्देहीमा स्वतन्त्र उम्मेदवार दिएर संघीय निर्वाचन लड्नुभएको थियो। तर, उहाँ पराजित हुनुभएका थियो । केही दिनअघि उहाँले एकीकृत समाजवादीलाई पाँच बुँदे पत्र पठाउँदै पार्टी प्रवेशको ढोका खोल्नु भएको थियो।
लगत्तै एकीकृत समाजवादीले जवाफ पठाएसँगै उहाँ पार्टी प्रवेश गर्न राजी हुनुभएको हो ।
