काठमाडौं । नेकपा एमाले प्रदेश १ को प्रमुख सचेतकमा रेवतीरमण भण्डारी चयन हुनुभएको छ । एमाले प्रदेश १ संसदीय दलका नेता हिक्मत कार्कीले भण्डारीलाई प्रमुख सचेतकमा नियुक्त गर्नुभएको हो।
भण्डारी सुनसरी सुनसरी २(१)बाट प्रदेशसभा सदस्यमा निर्वाचित हुनुभएको थियो । उहाँ यसअघि २०७० मा संविधानसभा सदस्य पदमा पनि निर्वाचित हुनुभएको थियो।
भण्डारी नेकपा एमाले सुनसरीका अध्यक्ष समेत हुनुहुन्छ । उहाँलाई सभामुखका रूपमा पाटीले अगाडि बढाउने तयारी गरे पनि भण्डारीले आफैँले अस्वीकार गर्नुभएको थियो। सभामुख भएपछि पाटी राजनीतिमा असर पर्ने भन्दै उहाँले अस्वीकार गरेको एमालेका नेताहरूले बताएका छन् ।
