इंग्लिस प्रिमियर लिग फुटबल अन्तर्गत आज पाँच खेल हुँदैछन् । शीर्ष तीनका लागि प्रतिस्पर्धा गरिरहेको चेल्सीले घरेलु मैदानमा वाट्फोर्डसँग नेपाली समयअनुसार राति १२ः४५ बाट खेल्नेछ भने अर्को खेलमा लेष्टरले घरेलु मैदानमा क्रिस्टल प्यालेससँग बेलुका ७ः४५ बजे प्रतिस्पर्धा गर्नेछ ।

यस्तै युनाइटेडले घरेलु मैदानमा बर्नेमाउथसँग खेल्नेछ । दुई टोलीबीचको खेल बेलुका ७ः४५ बजे सुरु हुनेछ । आर्सनलले उल्भ्ससँग उसैको मैदानमा राति १०ः१५ बजे भिड्दा अर्को खेलमा नर्विच सिटीले ब्राइटनसँग खेल्नेछ । र, इटालियन सिरी ’ए’ फुटबलमा आज विभिन्न तीन खेल हुँदैछ ।

सिरी ’ए’ मा आज लिग लिडर युभेन्ट्स, लाजियो, सासौउलो, एसी मिलान लगायतका क्लबले प्रतिस्पर्धा गर्नेछन् । उपाधिको प्रमुख दाबेदार युभेन्ट्सले घरेलु मैदानमा टोरिनोसँग खेल्नेछ । दुई टोलीबीचको खेल नेपाली समय अनुसार राति ९ बजे सुरु हुनेछ ।

आज नै लाजियोले घरेलु मैदानमा एसी मिलानसँग खेल्दैछ । दुई टोलीबीचको खेल राति १ः३० बजे सुरु हुनेछ । सिरी ’ए’ अन्तर्गत नै अर्को खेलमा सासौउलोले लेचीसँग खेल्नेछ ।