काठमाडौं । काठमाडौं महानगरपालिकाले सार्वजनिक यातायात सुधारका लागि आगामी वर्ष मेट्रो रेलको सम्भाव्यता अध्ययन अघि बढाउने भनेको छ।
उपमेयर सुनिता डङ्गोलले आर्थिक वर्ष २०७९-८० का लागि शुक्रबार २५ अर्ब ४१ करोड ९६ लाख ९६ हजार रुपैयाँको बजेट पेस गर्दै उक्त कार्यक्रम घोषणा गर्नुभएको हो ।
उहाँले आगामी आर्थिक वर्षका लागि महानगरले सञ्चालन गर्ने केही प्राथमिक कार्यक्रम पनि घोषणा गर्नुभएको हो ।
सार्वजनिक शौचालय, शित भण्डार र केएमसी मार्ट निर्माण तथा सञ्चालन कार्यकम बजेटमा समावेश छन्।
शवदाह गृह, पार्क तथा हरियाली प्रवर्द्धन र नदी किनारहरूमा ढल प्रशोधन केन्द्र निर्माण गर्ने कार्यक्रम पनि महानगरले घोषणा गरेको छ।
