काठमाडौं । काठमाडौं महानगरपालिकाका मेयर बालेन्द्र साह ‘बालेन’ले नेकपा एमालेका अध्यक्ष एवम् पूर्वप्रधानमन्त्री केपी शर्मा ओलीसँग भेट गरेको तस्बिर सामाजिक सञ्जालमा भाइरल बनेको छ ।

बालेनले ओलीसँग स्थानीय तह निर्वाचनको मतगणना हुँदै गर्दा भेट गरेको खुलेको छ । भेटमा बालेन र ओलीबीच काठमाडौंलाई कसरी सुन्दर बनाउने भन्ने विषयमा छलफल भएको बुझिएको छ ।

बालेन र ओलीबीचको भेटलाई अर्थपूर्ण रुपमा हेरिएको छ । स्वतन्त्र मेयर बालेनको सामाजिक सञ्जालमा क्रेज बढेसँगै दलले उनलाई नजिकबाट नियालेका छन् । काठमाडौंका जनताले बालेनलाई मेयरमा छनोट गरेपछि राजनीतिक दलहरु सोचमग्न भएका छन् ।