२०८३, श्रावण १० गते
- यो साता चर्चामा :
काठमाडौं । २०७४ को निर्वाचनबाट चयन भएका स्थानीय तहका जनप्रतिनिधिको पदावधि बिहीबार मध्यरातिबाट सकिएको छ । यससँगै मतगणना सम्पन्न नभएका स्थानीय तह जनप्रतिनिधिविहीन बनेका छन् ।
निर्वाचन आयोगका सहायक प्रवक्ता सुर्य प्रसाद अर्यालका अनुसार ३० वैशाखमा एकै चरणमा भएको स्थानीय निर्वाचनमा बिहीबार रातिसम्म करिब ९० प्रतिशत नतिजा सार्वजनिक भएको छ भने करिब १० प्रतिशतको मतपरिणाम आउन बाँकी रहेको छ । नेपाली रेडियो नेटवर्कसँगको क्ुराकानीमा सहायक प्रवक्ता अर्यालले शपथ ग्रहण गरिसकेका विजयी जनप्रतिनिधिहरुले भने आजबाट कार्यभार सम्हालेर जिम्मेवारी वहन गर्न सक्ने जानकारी दिनुभएको छ ।
सबै स्थानीय तहले चाँडै जनप्रतिनिधि पाउने पनि आयोगका सहायक प्रवक्ता अर्यालले बताएका छन् ।
संविधानको धारा २१५ को उपधारा ६ मा गाउँपालिकाको अध्यक्ष, उपाध्यक्ष, वडाध्यक्ष र सदस्यको पदावधि निर्वाचित भएको मितिले पाँच वर्षको हुने तथा धारा २१६ को उपधारा ६ मा नगरपालिकाको मेयर, उपमेयर, वडाध्यक्ष र सदस्यको पदावधि निर्वाचित भएको मितिले पाँच वर्षको हुने व्यवस्था छ ।
कुराकानी सुन्न यहाँ क्लिक गर्नुहोस् :
