काठमाडौं । नेकपा माओवादी केन्द्रका अध्यक्ष एवं पूर्व प्रधानमन्त्री पुष्पकमल दाहाल (प्रचण्ड) को क्षेत्रमा एमालेले बाजी मारेको छ ।

माओवादी केन्द्रका अध्यक्ष प्रचण्डको निर्वाचन क्षेत्र माडी नगरपालिकामा एमालेले जित हासिल गरेको हो । यसअघि माओवादीले जितेको माडीको मेयरमा यस पटक एमालेकी ताराकुमारी काजी महतो विजय भएकी छन् ।

निवर्तमान उपमेयरसमेत रहेकी ताराकुमारीले ९ हजार ९०१ मत प्राप्त गर्दै मेयरमा विजयी भईन् भने निकटतम् प्रतिद्वन्दी गठबन्धनबाट माओवादी केन्द्रका ऋषिराम काफ्लेले ७ हजार ७२९ मत ल्याएर हार व्यवहोर्नु पर्यो । यसपटकको निर्वाचनमा शीर्ष नेताको निर्वाचन क्षेत्रमा अन्य पार्टीका नेताहरुले जित हात पारेका छन् ।