काठमाडौँ । नुवाकोटको किस्पाङ गाउँपालिका–५ मनकामनामा आज यात्रुवाहक बस दुर्घटना हुँदा ३० जना घाइते भएका छन् ।

घाइतेमध्ये १० को अवस्था गम्भीर छ । गम्भीर घाइतेमध्ये तीन जनालाई हेलिकप्टरबाट उद्धार गरी उपचारार्थ काठमाडौं ल्याईएको जिल्ला प्रहरी कार्यालयका प्रमुख प्रहरी उपरीक्षक तुलबहादुर कार्कीले जानकारी दिए ।

बा ४ ख ५७६२ नम्बरको बस किस्पाङ–१ भाल्चेबाट त्रिशुली हुँदै काठमाडौं आउने क्रममा दुर्घटनामा परेको थियो ।छतमा समेत यात्रु राखिएको उक्त बसको ब्रेक फेल भई दुर्घटना भएको बताइएको छ ।