काठमाडौं । नेपाली रेडियो नेटवर्क आजदेखि छैठौ बर्षमा प्रवेश गरेको छ । नेपाली श्रोता माझ २०७३ साल असोज ३ गते संविधान दिवसका दिनदेखि नेपाली रेडियो नेटवर्क घन्कीन थालेको हो ।

श्रमजिवि पत्रकारहरुकै सक्रियतामा सवैका लागि सूचना भन्ने मुल मर्मका साथ सुरु भएको रेडियो छोटो अवधिमै विश्वभरीका नेपालीहरुका बीचमा लोकप्रिय भएको छ । पाँचौ बार्षिकोत्सव मनाउदै छैठौ बर्षमा प्रवेश गर्दै गर्दा नेपाली रेडियो नेटवर्क अन्तर्गत काठमाडौमा प्रसारण हुदै आएको रेडियो एनआरएन ९९.१ को प्रसारण क्षमता बृद्धि गरी १००० मेगावाट बनाइएको छ ।

संविधान जारी भएको अर्को बर्ष सुरु भएको नेपाली रेडियो नेटवर्कले राजनीतिक विषयसँगै कृषी, शिक्षा, स्वास्थ्य, उर्जा, पयर्टनलगायत विकासका मुल आधारहरुलाई प्राथमिकता दिदै आएको छ । आगामी दिनमा कानुनी, वित्तिय, सूचनाप्रविधि, स्वास्थ्य, सडक लगायत दर्जनौ क्षेत्रमा रहेको साक्षरताको अभाव मेट्ने प्रयासमा नेपाली रेडियो नेटवर्कले साक्षरता कार्यक्रमहरु पनि गर्ने योजना बनाएको छ ।

स्थानीय, प्रदेश र संघीय निर्वाचनका बेला अत्याधिक लोकप्रिय भएको हाम्रो विषेश प्रस्तुती निर्वाचनमा नजर जस्तै नयाँ प्याकेजहरु मार्फत् साक्षरताका लागि सम्वन्धीत निकायहरुसँग सहकार्य गरेर नयाँ अभियान चलाउने सोँच बनाएको छ ।

पत्रकार ऋषि धमलाले संचालन गर्दै आउनु भएको नेपालका रेडियो कार्यक्रमहरु मध्ये देश विदेशमा सर्वाधिक लोकप्रिय नेपाली बहस र हरेक नेपालीको साझा प्रश्न बनेको जनता जान्न चाहन्छन् नेपाली रेडियो नेटवर्कको कार्यक्रम हो ।

रेडियोसँगै आफ्नै व्यवसायीक अनलाईन — “नेपालीनेटवर्क डटकम” सञ्चालनमा छ भने अनलाईन टिभीको रुपमा नेपाली नेटवर्क टिभी पनि लोकप्रिय रहेको छ ।

काठमाडौको बानेश्वर हाइटबाट नेटवर्कले देशभरीका झण्डै दुई सय रेडियोसँग सहकार्य गरिरहेको छ । समाचारलाई सन्तुलीत गर्न हरेक समाचारमा अर्को पक्षको प्रतिक्रिया समेट्ने आधारभूत समाचार शैली यस नेटवर्कले अबलम्बन गर्दै आएको छ ।

कुनै दलिय झुकाव नदेखियोस् भन्ने तर्फ अत्यन्त सतर्क रहेको रेडियो व्यवस्थापनले जनाएको छ । व्यवसायीकता र निश्पक्षताबाट विचलित नभएको र आगामी दिनमा पनि नहुने व्यवस्थापनले प्रतिवद्धता जनाएको छ ।

अझ शसक्त, जिम्मेबार र निश्पक्ष प्रस्तुतीमा खरो उत्रिने प्रतिबद्धता सहित नेपाली रेडियो नेटवर्कले सवै श्रोता र सहयोगीहरुको साथ र सहयोगको अपेक्षा गरेको छ ।