२०८३, श्रावण १२ गते
- यो साता चर्चामा :
काठमाडौँ – नेपालमा पछिल्लो २४ घण्टामा ३२६० जना कोभिड संक्रमित थपिएका छन् ।
स्वास्थ्य मन्त्रालयका अनुसार १५ हजार ४६२ नमुना (१० हजार ८०६ पीसीआर र ४७५६ एन्टीजेन) परीक्षण गर्दा ती संक्रमित थपिएका हुन् ।
बिहीबार थप ३२ जनाको मृत्यु भएको छ । २२९४ जना निको भएका छन् । सक्रिय संक्रमित संख्या ३८ हजार १८० पुगेको छ ।
काठमाडौँ उपत्यकामा आज ११३३ जना संक्रमित थपिएका छन् । काठमाडौँ जिल्लामा ८११, ललितपुरमा १९२ र भक्तपुरमा १३० जना संक्रमित थपिएका छन् ।
कूल मृत्यु संख्या १० हजार २१२ पुगेको छ । कूल संक्रमित संख्या ७ लाख २५ हजार (पीसीआर) र ७२ हजार (एन्टीजेन) पुगेको छ । कूल निको हुने संख्या ६ लाख ७७ हजार पुगेको छ ।
